Өскеменде жаяу жүргіншілер өткелінен өтіп бара жатқан екі әйелді көлік қағып кетті

Өскемен қаласында жеңіл көлік мінген жүргізуші жаяу жүргіншілер өткелінен өтіп бара жатқан екі әйелді қағып кетті, деп хабарлайды Azattyq Rýhy.

Жол-көлік оқиғасы сәрсенбі, 28 қаңтар күні Сәтбаев даңғылында болды.

«Toyota Mark II маркалы автокөліктің жүргізушісі екі жаяу жүргіншіні қағып кетті. Жол-көлік оқиғасы салдарынан 1964 жылы туған және 1979 жылы туған екі азаматша зардап шегіп, медициналық көмекке жүгінді», – деп хабарлады Шығыс Қазақстан облыстық Полиция департаментінің баспасөз қызметі агенттікке берген түсініктемесінде.

Аталған факті бойынша тиісті сараптамалар тағайындалды. Олардың қорытындысы бойынша процессуалдық шешім қабылданатын болады.