Жетісу облысында республикалық автожолда қозғалысқа шектеу енгізілді
2026 жылғы 22 қаңтарда ауа райының нашарлауына байланысты Жетісу облысында республикалық автожол жабылды, деп хабарлайды Azattyq Rýhy.
«ҚазАвтоЖол» ҰК» АҚ мәліметінше, шектеу сағат 12:00-ден бастап автожолдың Үшарал – Достық учаскесінде (84-ші километрден 164-ші километрге дейін, Көктұма ауылынан Достық станциясына дейін) енгізілді.
Көлік қозғалысын қайта ашу уақыты – 2026 жылғы 25 қаңтар, сағат 08:00.
Қосымша ақпарат алу үшін 1403 колл-орталығына кез келген уақытта хабарласуға болады.