Шымкентте балаларына алимент төлемеген 100-ге жуық ата-ана сотталып кетті

Шымкент қаласында алимент өндіру мәселесіне қатысты 13 727 іс тіркелген. Бұл туралы қалалық әділет департаментінің басшысы Айнұр Исабекова мәлімдеді, деп хабарлайды Azattyq Rýhy агенттігі Otyrar.kz-ке сілтеме жасап.

Оның айтуынша, балаларының алдындағы міндетін орындаудан жалтарған 98 азаматқа сот үкімі шыққан, ал 256 борышкер қамауға алынған.

Мамандардың мәліметінше, алимент қарызын өндіру қоғамдағы өзекті мәселелердің бірі болып отыр. Құзырлы органдар борышкерлерге қатысты заң аясында шараларды күшейтіп, балалардың заңды құқығын қорғау бағытында жұмыстарды жалғастыруда.