Қазақстандық футбол құрамасына «Милан» чемпионы қосылуы мүмкін

Италияның атақты «Милан» клубында ойнаған бұрынғы жартылай қорғаушы Александр Меркель Қазақстанның «Жеңіс» футбол клубының оқу-жаттығу жиынына қосылды, деп хабарлайды Azattyq Rýhy.

AmanVIBE мәліметінше, тәжірибелі футболшы команда құрамындағы алғашқы жаттығуын өткізіп үлгерген. Қазіргі таңда тараптар келіссөз жүргізіп жатыр. Егер тараптар келісімге келсе, Александр Меркель үшін алдағы Қазақстан Премьер-лигасының маусымы жаңа чемпионаттағы алғашқы сынақ болмақ.

Айта кетейік, Александр Меркель бұған дейін Қазақстан ұлттық құрамасының намысын қорғаған. Оның ұлттық құрамадағы дебюті 2015 жылы Исландияға қарсы жолдастық кездесуде өтті. Ал 2019 жылы футболшы Еуро-2020 іріктеу кезеңіндегі Шотландия және Ресей құрамаларына қарсы матчтарға шақырту алған. Алайда сол жылдың наурыз айынан кейін құжаттық мәселелерге байланысты ұлттық құрамаға қайта шақырылмады.

Футболшының мансабындағы ең үлкен жетістіктерінің бірі – 2011 жылы «Милан» сапында Италия чемпионатын жеңіп алуы. Сол маусымда ол А сериясында 13 матчқа қатысып, бір гол соғып, бір нәтижелі пас берген.

Меркель әр жылдары Нидерланд, Германия, Англия, Италия, Швейцария, Австрия, Сауд Арабиясы, Иран және Түркия клубтарында ойнаған. Оның соңғы командасы – Біріккен Араб Әмірліктерінің «Легентус» клубы.

Қазір 30 жастан асқан ойыншы мансабын Қазақстанда жалғастыруға ниетті. Егер «Жеңіспен» келісімге келсе, бұл трансфер отандық футбол жанкүйерлері үшін үлкен жаңалық болмақ.