Азаматтарға әріптік және сандық комбинацияны еркін таңдауға мүмкіндік беріледі
2026 жылғы 5 қаңтардан бастап қазақстандықтар автокөлікке арналған мемлекеттік тіркеу нөмірін өз қалауынша құрастыра алады. Бұл туралы Ішкі істер министрлігі мәлімдеді, деп хабарлайды Azattyq Rýhy.
Жаңа тәртіпке сәйкес, азаматтарға әріптік және сандық комбинацияны еркін таңдауға мүмкіндік беріледі. Бұған дейін көлік иелері дайын бірнеше нұсқаның ішінен ғана таңдай алатын, ал жеке комбинация тек VIP-нөмірлер арқылы қолжетімді болатын.
ІІМ мәліметінше, нөмірді өз бетінше таңдау қызметі мобильді қосымша арқылы ұсынылады. Қызмет 5 қаңтардан бастап іске қосылады.
Маңыздысы – жаңа жүйе VIP-серияларға қолданылмайды, олар бұрынғыдай бөлек тәртіппен рәсімделеді.
Комитеттің әкімшілік полициясы өкілдерінің айтуынша, еркін таңдалған нөмірдің құны таңдалған комбинацияға байланысты белгіленеді.
Бағалар:
Бұл туралы ҚР ІІМ Әкімшілік полиция комитетінің аға инспекторы Арай Төлегенқызы мәлімдеді.
Мамандардың айтуынша, бұл бастама автокөлік иелеріне таңдау еркіндігін береді; мемлекеттік қызметтерді цифрландыруды жеделдетеді; рәсімдеу процесін жеңіл әрі ашық етеді.
Жеке нөмір таңдау әсіресе кәсіпкерлер мен брендтік автокөлік иелері арасында сұранысқа ие болуы мүмкін.