Жаңа туған нәрестелердің тең жартысы – қыздар
Астанада 2026 жылдың 1 қаңтарына қараған түні 22 бала дүниеге келді. Бұл туралы қалалық Қоғамдық денсаулық сақтау басқармасы мәлімдеді, деп хабарлайды Azattyq Rýhy.
Ведомство дерегінше, 00:00-ден 07:00-ге дейінгі аралықта елордадағы перзентханаларда 22 босану тіркелген. Жаңа туған нәрестелердің тең жартысы – қыздар, тең жартысы – ұлдар.
Медициналық мекемелер ұсынған ақпаратқа сәйкес:
Егіздер мен үшемдер тіркелмеген.
Бұл көрсеткіш жаңа жылдың алғашқы сағаттарында елордада қалыпты демографиялық ахуал сақталғанын аңғартады.
Жаңа жыл түні босанулар Астанадағы үш ірі акушерлік бөлімшеде қабылданған: Қалалық перинаталдық орталық; №2 көпбейінді қалалық аурухана; №3 көпбейінді қалалық аурухана.
Барлық босанулар жоспарлы түрде қабылданып, ана мен бала денсаулығына қауіп төнген жағдайлар тіркелмеген.