Алдын ала мәлімет бойынша, қауіпсіздік талабы сақталмаған
Астанада салынып жатқан үйдің сыртын жөндеп жатқан 41 жастағы жұмысшы биіктен құлап кетіп, қаза тапты. Осыған байланысты, құрылыс жұмыстарын жүргізу кезінде қауіпсіздік талаптарының бұзылуына қатысты сотқа дейінгі тергеп-тексеру басталды, деп хабарлайды Azattyq Rýhy.
Астана қаласының полиция департаменті оқиға 14 желтоқсан күні болғанын растады.
«Құрылыс нысандарының бірінде қасбетті жөндеп жүрген жұмысшының тросы үзіліп кеткен. Оқиға кезінде 41 жастағы ер адам құлап, алған жарақаттарының салдарынан оқиға орнында көз жұмды», - деп хабарлайды қалалық ПД.
Қазіргі таңда оқиғаның барлық мән-жайын анықтауға бағытталған тергеу амалдары жүріп жатыр.