Полицейлер қауіпті жүргізушіні тоқтату үшін қызметтік көлікпен жолды бөгеді
Қостанай облысында полицейлер қауіпті маневр жасаған жүргізушіні тоқтату үшін жолды қызметтік автокөлікпен бөгеді. Резонансты оқиға 7 желтоқсан күні кешке Құнай кентінде болды, деп жазады Azattyq Rýhy агенттігі Qostanay.tv-ге сілтеме жасап.
Патруль қызметкерлері жолда дрифт жасап, басқа жүргізушілерге қауіп төндірген Volkswagen автокөлігін байқайды. Полицейлердің тоқтау туралы заңды талабын жүргізуші елемей, жылдамдығын арттырып, сыртқы жарықтандыру құралдарын өшіріп, қашпақ болған.
Инспекторлар жедел әрекет етіп, қызметтік көлікпен оның жолын бөгеп барып тоқтатты. Оқиға кезінде ешкім зардап шеккен жоқ.
Тексеру барысында рөлде 20 жастағы, жүргізуші куәлігінсіз жүрген жігіт болғаны анықталды. Ол көлікті әкесінен рұқсатсыз алып кеткен.
Құқық бұзушыға қатысты төрт әкімшілік іс қозғалды:
Автокөлік арнайы тұраққа қойылды.