Ол 150-ден артық рөлді сомдады
75 жасында танымал актер Кэри-Хироюки Тагава дүниеден өтті.Актер АҚШ-тағы Санта-Барбарадағы өз үйінде, отбасының жанында көз жұмған. Өлім себебі инсульттен кейінгі асқынулар, деп хабарлайды Azattyq Rýhy.
Кэри-Хироюки Тагава алғаш рет кең танымалдылыққа Бернардо Бертолуччидің «Соңғы император» фильмінен кейін ие болды. Картина «Оскардың» «Үздік фильм» номинациясында жеңіске жеткен.
Кейін ол Mortal Kombat франшизасындағы басты антагонист Шан Цзун рөлін орындап, бүкіл әлемге танылды.
Сонымен қатар актер «Гейшаның естеліктері», «Жоғары сарайдағы адам» сияқты фильмдер мен сериалдарда ойнаған.Оның фильмографиясында жалпы 150-ден астам рөл бар.