Продюсер Мөлдір Мұқанова «НТК» арнасындағы «OZMZғой» бағдарламасында экс-күйеуі Тұрсынбек Қабатовтың өз концертінде қандай әншілер өнер көрсететінін білмей қалған кездері көп болғанын айтты, деп хабарлайды Azattyq Rýhy.
Оның себебі де жоқ емес. Театрдағы ұйымдастыру жұмыстарымен Мөлдір Мұқанова айналысқан.
«Әзіл Әлемі» деген керемет театр бар. Сол театр маған мол тәжірибе берді. Осы тұста театрдың негізін қалаушы Тұрсынбек Қабатов мырзаға алғысымды білдіремін. Ол кісінің қасында жүріп, бай тәжірибе жинадым. Өнер адамдарымен қалай тіл табысып, қалай жұмыс істеу керектігін үйрендім», - дейді Мұқанова.
Ол кастинг директоры бола жүріп, барлығының тілін тауып, өнер әлемінде жұмыс істеп кеткенін атап өтті.
«Шынын айтсам, Тұрсынбек концертінде қандай әншілер болатынын білмей қалатын кездері болды. Әншілерге де алғыс айтамын. Ешқайсысы гонорар сұрамаған. Ол енді Тұрсынбекке деген құрметі шығар», - деп түйіндеді продюсер.
Айта кетейік, осыған дейін Мөлдір Мұқанова Тұрсынбек Қабатовпен ресми түрде ажырасқанын растады.