Қыстың алғашқы күні ауа райы қандай болады

«Қазгидромет» 2025 жылдың 1 желтоқсанына арналған Қазақстан бойынша ауа райының жалпы болжамын жариялады. Қыстың бірінші күні еліміздің басым бөлігінде жауын-шашынсыз ауа райы күтіледі, деп хабарлайды Azattyq Rýhy. 

Елдің басым бөлігінде жауын-шашын болмайды

Синоптиктердің болжамына сәйкес, антициклон Қазақстан аумағының көп бөлігінде өз ықпалын сақтап қалады. Яғни, күн ашық болып, жауын-шашын күтілмейді.

Солтүстік және шығыста ауа райы құбылмады болады

Алайда, атмосфералық фронтальды бөліктердің өтуіне байланысты елдің солтүстігі мен шығысында ауа райы құбылмалы болады. Бұл аймақтарда:

• Қар мен жаңбыр түріндегі жауын-шашын;
• Боран;
• Көктайғақ күтіледі.

Республиканың басқа аумақтарында да кейбір қолайсыз құбылыстар күтіледі: ел бойынша тұман түсетіндіктен, жүргізушілерге сақ болу қажет. Оңтүстік-шығыста жел күшеюі мүмкін.