Видеоны Кенжебек Жанәбілов әлеуметтік желідегі парақшасында жариялады
Танымал сатирик, Қазақстанның еңбек сіңірген әртісі Бауыржан Ибрагимов әнші Кенжебек Жанәбіловтың әйеліне сәлем салғаны үшін ақша берді, деп хабарлайды Azattyq Rýhy.
Әлеуметтік желіде жарияланған видеодан Кенжебектің өнердегі ағасын құшақ жая қарсы алып жатып, «келініңіз ғой» деп жұбайын таныстырған сәтті көруге болады. Осы кезде өнерпаздың әйелі қазақы әдеппен иіліп сәлем салады. Бұған дән риза болған сатирик әмиянынан 5 мың теңгені суырып:
«Айналайын-ай! Ырымы ғой», - деп келінінің қолына ұстатқан.
Бауыржан Ибрагимовтың бұл әрекетіне желі қолданушылары қолдау білдірді.
«Салтты ұстанып, сәлем салғанға бергені дұрыс қой», «Бауыржан ағаның көрегендігі, әзілі керемет қой», - деп жазды олар.