Арыстағы жарылыс кезінде жылаған әскери болған оқиға туралы ашық сұхбат берді
Исатай Әлібаевтың айтуынша, Арыстағы жарылыс жемқорлық кесірінен болған. Айтуынша, оны Арыста болған оқиғадан кейін қызметтен кетуге мәжбүрлеген. Бұл туралы бұрынғы әскери қызметші Azattyq Rýhy тілшісіне берген сұхбатында айтып берді.
Еске сала кетейік, 2019 жылдың 24 маусымында таңғы сағат 9 шамасында Арыстағы әскери қоймада жарылыс болып, кеңестік кезден бері сақталып келе жатқан алып қоймадағы снарядтар атылып, қаланың (Арыс қаласы – авт.) астаң-кестеңін шығарған еді. 3 адам оқиға орнында қаза тауып, жараланған 74 адам ауруханаға жеткізілді. Қаладағы 7600-ден астам ғимараттың 85%-ы қирап, жарамсыз болып қалды. 13 мың адам арнайы қоныстандыру орындарына жайғастырылды.