Сот оны толықтай қылмыстық жауапкершіліктен босатты
Ақтөбе қаласының №2 соты көңіл көтеру мекемесінде әкімші бола тұрып, «WhatsApp» арқылы 40 000 теңгеге жыныстық қатынас ұсынған жеңгейтайға рақымшылық жасады, деп хабарлайды Azattyq Rýhy.
«Сотталушы С. тағылған айыпты толық мойындады, жасаған ісіне өкінетінін айтты. Ол соттан Қазақстан Республикасы Конституциясының отыз жылдығына байланысты қабылданған рақымшылық заңы аясында қылмыстық жауаптылықтан босатуды сұрады», - деп хабарлайды сот.
Прокурор бұған қарсы болмаған. Сот мән-жайларды ескере келе, әйелге рақымшылық жариялаған.
«Сот қаулысымен С. Қазақстан Республикасының Қылмыстық кодексінің 78-бабының 2-бөлігі, Қазақстан Республикасының 2025 жылғы 23 маусымдағы «Қазақстан Республикасы Конституциясының отыз жылдығына байланысты рақымшылық жасау туралы» Заңының 2-бабы 1-тармағының 2) тармақшасы, негізінде қылмыстық жауаптылықтан босатылды, сондай-ақ ҚПК-нің 35-бабының 1-бөлігінің 3) тармақшасы негізінде іс жүргізу тоқтады. Бұлтартпау шарасы ретінде қолданылған үйқамақтың күші жойылды», - деп хабарлайды Ақтөбе соты.