Ақмола облысындағы жылу электр орталығында жұмысшы көз жұмды

Ақмола облысындағы Степногорск жылу электр орталығында жұмысшы қаза тапты. Трагедия екінші қазандықтағы монтаждау жұмыстары кезінде болды, деп хабарлайды Azattyq Rýhy.

Не жағдай болды

«Степногорск қаласы жылу электр орталығы аумағында монтаждау жұмыстары кезінде бір жұмысшы көз жұмып, үшеуі жарақат алды, жазатайым оқиғаға қатысты қылыстық іс қозғалды», - деп хабарлады облыстық полиция департаменті.

Полиция тергеуді бастады

Қазіргі уақытта тергеу органдары оқиғаның барлық мән-жайын және қайғылы оқиғаға себебін анықтауға бағытталған тергеу амалдарын жүргізіп жатыр.

«Тергеу қорытындысы бойынша лауазымды тұлғалардың іс-әрекетіне құқықтық баға беріліп, соңғы процессуалдық шешім қабылданады», - дейді полицейлер.