Астанада тұрғын үйдің 9-қабатынан өрт шықты (ВИДЕО)

Астананың Сарыарқа ауданындағы Шаймерден Қосшығұлұлы көшесінде орналасқан көпқабатты тұрғын үйдің 9-қабатындағы пәтердің балконында өрт шықты, деп хабарлайды Azattyq Rýhy.

Төтенше жағдайлар министрлігінің құтқарушылары өртті автосаты арқылы жедел оқпан беріп, қысқа мерзімде сөндірді.

Олардың жедел әрекетінің арқасында жалын пәтердің басқа бөлмелеріне және көршілес пәтерлерге таралған жоқ.

Министрлік тұрғындарға қауіпсіздік шараларын қатаң сақтау қажеттігін ескертеді.

Әсіресе, балкондарды киімдермен, ескі жиһаздармен, қағаз қалдықтарымен және басқа да жанғыш заттармен толтырмауға шақырады. Мұндай әрекеттер өрттің тез таралуына себеп болуы мүмкін.