Ақтаудағы мерекелік кеш даумен аяқталды
Маңғыстау облысында үйлену тойында төбелес шығарған бірнеше қонақ полиция бөлімшесіне жеткізіліп, уақытша ұстау изоляторына қамалды, деп хабарлайды Azattyq Rýhy.
Оқиға Мұнайлы ауданында болған. Әлеуметтік желіде тараған видеоларда ақ жейде киген ер адамдардың той кезінде бір-бірімен жаппай төбелеске кіріскені байқалады.
Маңғыстау облыстық полиция департаментінің хабарлауынша, оқиға бойынша «Бұзақылық» бабымен қылмыстық іс қозғалған.
«Барлық күдікті анықталып, Ақтау қаласындағы уақытша ұстау изоляторына қамалды. Қазір бұл дерек бойынша тергеу амалдары жүріп жатыр», – делінген полиция мәлімдемесінде.