Жүргізуші рөлге ие бола алмай қалған
Қостанай облысында жол апаты салдарынан үш адам, оның ішінде кішкентай бала өзенге батып кетті, деп хабарлайды Azattyq Rýhy Alau.kz сайтына сілтеме жасап.
Оқиға 10 шілде күні Қостанай облысы Амангелді ауданындағы Қарынсалды ауылының маңында болған. Облыстық ТЖД баспасөз қызметінің хабарлауынша жолаушылар көлігі Қарынсалды өзеніне түсіп кеткен.
Алдын ала мәлімет бойынша жүргізуші рөлге ие бола алмай қалған.
Куәгерлердің айтуынша көлікте үш адам, оның ішінде бір бала болған.
Іздестіру-құтқару жасағы оқиға орнына тез арада кетті. Құтқару жұмыстары барысында қаза тапқан үш адамның да денесі табылып, шығарылды.