Оның бірі бас дәрігердің орынбасары, ал екіншісі бас есепші болған
Тараз қалалық соты Жамбыл облысының Қалалық көпсалалы ауруханасы бас дәрігерінің экономикалық және әкімшілік-шаруашылық қамтамасыз ету жөніндегі орынбасары Шаушенова мен бас бухгалтер Достаеваға қатысты үкім шығарды, деп хабарлайды Azattyq Rýhy.
Антикордың мәліметінше, олар «Қайрат Құрылыс-ҚК» ЖШС аффилирленген кәсіпорнына жалған құжаттар арқылы 758 млн теңгені заңсыз аударып, ары қарай ол ақшаны жымқырған.
«Бас дәрігердің орынбасары қылмыстық жолмен алынған қаражатты заңдастыру бойынша сотталды. Сот үкімімен Шаушенова 9 жылға, Достаева 6 жылға бас бостандығынан айырды», - деп хабарлайды Антикор.