БҚО-да iPhone сатамын деген жігітке сенген әйел екі пәтерін сатып, 77 млн теңгесін бере салған (ВИДЕО)
Жалпы, бұл алаяқ алты эпизод бойынша 200 млн теңгені қалтасына басқан деп айыпталып отыр
Батыс Қазақстан облысында өзін кәсіпкермін деп таныстырған жігіт бір әйелді алдаған: iPhone смартфонын көрші елдерге сатамын деген жігітке сенген әйел екі бөлмелі пәтерін сатып, оның үстіне, жинаған ақшасын қоса берген, деп хабарлайды Azattyq Rýhy.
Полицияның мәліметіне сүйенсек, БҚО азаматтарын алдаған жігіт Түркістан облысының 32 жастағы тұрғыны болып шыққан.
«Ұсталған алаяқ – Түркістан облысының 32 жастағы тұрғыны екені анықталды. Ол әлеуметтік желі арқылы бір әйелмен танысып, өзін iPhone смартфондарын көтерме бағамен көршілес елдерге қайта сататын кәсіпкер ретінде таныстырған. Сенімге кірген алаяқ жәбірленушіге осы бизнестің тиімді екенін айтып, оған ақша салуды ұсынған. Әйел екі пәтерін сатып, 77 млн теңгесін алаяққа берген. Сонымен қатар алаяқтың құрбаны болған әйелдің туыстары мен таныстары да оның «тиімді» инвестиция ұсынысына сеніп, ақшаларын берген», - деп хабарлайды полиция.
Жалпы шығын көлемі 200 миллион теңгеге жуық. Алған ақшаны жігіт құмар ойынға салып, жеке пайдасына жаратқан.
