Аймақта бір емес екі бірдей маман заңға бағынбаған
Солтүстік Қазақстан облысы Ақжар ауданы мен Ұялы ауылдық округтерінің әкімдіктерінде жұмыс істейтін мамандар 1XBET букмекерлік кеңсесінее тіркеліп, «ставка» қойғаны үшін жұмыстарынан қуылды, деп хабарлайды Azattyq Rýhy.
Облыстық прокуратураның мәліметіне сүйенсек, былтыр шілдеде «Сыбайлас жемқорлыққа қарсы іс - қимыл туралы» заңға енген толықтыруларға сай, мемлекеттік қызметшілерге құмар ойындар ойнауға тыйым салныған. Ал, ойнағандары теріс пікірмен жұмыстан кетеді. Прокурорлар талдау жүргізе отырып, осындай бірнеше фактіні анықтаған екен.
«Мәселен, Ақжар ауданы әкімдігінің құрылыс және сәулет бөлімінің бас маманы Заң талаптарын бұза отырып, «1XBET» букмекерлік кеңсесінде жүйелі негізде «ставкалар» қойған. Ұялы ауылдық округі әкімі аппаратының және Ақжар ауданының білім бөлімінің бас мамандары да осындай заңсыздыққа барған. Осы аталған лауазымды адамдар жұмыстан босады», - деп хабарлайды СҚО прокуратурасы.