Қонаев қаласында үш кішкентай бала вагонда өмір сүріп келген (ВИДЕО)

Алматы облысының прокурорлары «Бақытты және қауіпсіз балалық шақ» атты жоба аясында вагонда тұрып жатқан үш баланы тапты, деп хабарлайды Azattyq Rýhy.

Дереккөзге сүйенсек, балалар ата-анасымен бірге шаруа қожалығының маңындағы вагонда тұрған.

«Жоба аясында 911 аз қамтылған отбасына азық-түлік, көмір және балалардың қысқы киімдері таратылды. 3 978 бала медициналық тексеруден өтті, олардың 164-і ауруханаға жатты, 155 мұқтаж отбасыға атаулы әлеуметтік көмек рәсімделді, 212 бала тұрғын үй кезегіне қойылды, 26 отбасы баспанамен қамтылды, 126 балаларға арналған іс-шара ұйымдастырылды», - деп атап өткен прокуратура.