Жүксалғышқа салып алған: Шымкентте адам ұрламақ болғандар ұсталды

Шымкентте бір топ жігіт адам ұрламақ болды, деп хабарлайды Azattyq Rýhy.

Желіде тараған видеода олар ер адамды ұрып-соғып көліктің жүксалғышына салып алады. Кейін сол жердегі адамдар төбелеске араласпақ болғанмен, көлік жүріп кетеді.

«Әлеуметтік желіде ер адамға қарсы қылмыстық әрекеттерге қатысты видео тарады. Осыған қатысты полиция қызметкерлері дереу әрекет етті. Барлық қатысушылардың жеке басы анықталды, көлік табылды, екі күдікті ұсталды», - деп хабарлады Шымкент қалалық полиция департаментінің баспасөз қызметі.

Күдіктілер тергеу изоляторына қамалған.