Өңірде коронавирусты жұқтырған 414 адам тіркелді
Батыс Қазақстан облысында коронавирус инфекциясын жұқтырған 28 адам тіркелді, деп хабарлады ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссия.
«Коронавирус инфекциясы анықталған 6 адам – Ресей Федерациясында жұмыс істейтін Ақтау, Шымкент қалаларының және Жамбыл, Батыс Қазақстан облыстарының тұрғындары.
Ресей Федерациясымен шекарадағы Сырым, Тасқала автоөткелдеріндегі санитарлық-карантиндік бекеттерде эпидемиолог мамандар байланыссыз термометрия жасап, сауалнама жүргізу кезінде денсаулыққа шағымдары болмаған. Алгоритмге сәйкес, СКП эпидемиологтары жедел жәрдем шақырып, азаматтар карантиндік стационарға жатқызылды», - делінген хабарламада.
Сонымен қатар, 16 адамнан өздеріне дейін коронавирус инфекциясын жұқтырған адамдармен қарым-қатынаста болғаны үшін зертханалық сынама алынған.
Келесі 6 науқас профилактикалық тексеру кезінде анықталды.
ПТР диагностикалық зерттеу қорытындысымен барлығында да COVID-19 диагнозы нақтыланып, жұқпалы аурулар стационарына орналастырылды. Науқастармен қарым-қатынаста болған адамдар анықталып, барлығы медициналық бақылауға алынды.
Ауру ошақтарында зарарсыздандыру жұмыстары жүргізілді. Эпидемияға қарсы шаралар қолға алынған.
Айта кетсек, қазіргі таңда облыста коронавирусты жұқтырған 414 адам тіркелді.