«Бұзық» телеграмм арнасы трагедияның видеосын таратты
Осыдан екі күн бұрын, 10 желтоқсан күні Алматыда зағип жігіт метроның астына құлап кетіп, мерт болған еді. Бүгін әлеуметтік желідегі бейнекамералардың видеосы тарады, деп хабарлайды Azattyq Rýhy.
Видеодан көрініп тұрғандай, метро сол сәтте Абай станциясына келіп тоқтаған. Вагонның ішінен бір топ адам шығып, бірнеше жолаушы кіреді. Зағип жігіт метроның есігін таба алмай, оны жағалап тұрған. Оны байқаған бейтаныс бойжеткен жөн сілтемек болады. Бірақ, бір сәтке артына қарап, жігітке қарай енді бұрыла бергенде ол метроның астына құлап кеткен. Бойжеткен бірден айқайлап көмек сұрағанын байқауға болады.
«Аталған дерек бойынша тергеу басталды. Оқиға салдарынан 26 жастағы зағип жігіт көз жұмды. Оқиғаның басқа да мән-жайлары анықталып жатыр», - деп хабарлаған еді полицияның баспасөз қызметі.