Астанада қатты дауыл ғимараттардың шатырын ұшырып әкетті (ВИДЕО)

Астанада кеше кешкі уақыттан бастап қатты дауыл соқты. Қатты жел ғимараттардың шатыры мен аулалардағы орындықтарды ұшырып әкетті. Әлеуметтік желіде адамдардың бораннан құлаған видеолары да бар, деп хабарлайды Azattyq Rýhy.

«ҚазАвтоЖол» АҚ мәліметтері бойынша, 6 қазанда қолайсыз ауа райы жағдайларына, қатты жел мен көрінудің нашарлауына байланысты 5 өңірдегі республикалық маңызы бар автожолдардың 10 учаскесінде қозғалыс жабық және шектелген. Нақтырақ айтқанда, Ақтөбе, Ақмола, Қостанай, Жамбыл, Түркістан облыстарында көлік қозғалысы толықтай жабық. 7 қарашада Павлодар мен Щучинск бағытындағы жолдар қайта ашылды.

Астана тұрғындары осы күндері қолайсыз ауа райына тап болды. Жаңбыр мен қар араласқан жауын-шашыннан кейін қалада қатты дауыл соқты.

Видеода Астанадағы «Северное сияние» тұрғын үй кешеніндегі балалар алаңынан орындықтың ұшып кеткенін көруге болады.

ТЖМ дауылды ескерту кезінде мынадай ережелерді ұсынады:

• алыс сапарларға шықпау;
• ауылдық жерлердің тұрғындары ұзақ жаяу сапарларға шықпау;
• елді мекендерден тыс жерлерге шықпау;
• жол жабылатын жерлерде көлік құралдарын қалдырмау;
• мүмкін болса, елді мекендерде, кемпингтерде немесе жол бойындағы кафелерде болу.