Астанада төрт қабатты паркингтен өрт шықты

Астанада төрт қабатты паркингтің екінші қабатында тұрған автокөлік отқа оранды, деп хабарлайды Azattyq Rýhy.

ТЖМ мәліметінше, өрт сөндірушілер оқиға орнына келгеннен кейін жеке жабық паркингтің екінші қабаттындағы автокөліктен өрт шыққандығын анықтады.

«Өрт толығымен сөндірілді. Нақтыланған мәліметтер бойынша паркингте жеңіл автокөлік өртенген. Үй-жайларды желдету жүргізілуде. Зардап шеккендер жоқ», - делінген ТЖМ хабарламасында.

ТЖМ азаматтардан өрт қауіпсіздігі ережелерін сақтауды сұрайды.