«Қызметтік өкілеттіктерін асыра пайдалану» бойынша сотқа дейінгі тергеу басталды
Павлодар облысының ПД баспасөз қызметі Павлодар облысындағы жаппай төбелес кезінде полицейлердің оқ атуын түсіндірді, деп хабарлайды Azattyq Rýhy тілшісі.
«Павлодар облысы Қалқаман ауылы маңындағы жылжымалы блок-бекетке ауыл тұрғындары келіп, шикізат - «микросфераны» құжатсыз алып өтуге бола ма деп сұрап, оған рұқсат етілмейтіндігі туралы жауап алады. Нәтижесінде 13 мамырда осыған наразы Береке ауылының 30-ға жуық тұрғыны келеді. Олар «полиция қызметкерлерін ұрып, мүліктеріне зиян келтіреміз» деп қорқытқан, содан кейін бұл арадан кетулерін талап еткен. Бұған жауап ретінде полиция арнайы құралдарды қолданып, ескерту оғын атқан», - деп жазылған хабарламада.
Бұл қызметкерге қатысты ҚР Қылмыстық кодексінің 361-бабы, 1-бөлігі, яғни «Қызметтік өкілеттіктерін асыра пайдалану» бойынша сотқа дейінгі тергеу басталды, ол қызметінен аластатылды.
Естеріңізге сала кетсек, кеше Павлодар облысында жаппай төбелес кезінде полицейлер оқ атқанын хабарлаған едік.