Олар қозғалтқыштың ақаулығына байланысты жағаға жете алмаған
ШҚО құтқарушылары жағалаудан алыс кетіп қалған балықшыларға көмекке келді, деп хабарлайды Azattyq Rýhy ТЖМ баспасөз қызметіне сілтеме жасап.
ТЖМ мәліметінше, Бұқтырма су қоймасының «Қаракөл» шығанағында 4 балықшы құтқарушылардың көмегіне жүгінді.
Белгілі болғандай, қозғалтқыштың ақаулығына байланысты олар жағаға жете алмаған.
«ТЖМ қызметкерлері оларды жағаға аман-есен жеткізді. Балықшылар медициналық көмекке мұқтаж болған жоқ», - делінген хабарламада.