Шыбынды ауылында комбайн жұмысшыны орап әкеткен

Оқыс оқиғадан қаза тапқан адамның жасы 49-да болған

Фото: istockphoto.com

Қостанай облысы Денисов ауданы Шыбынды ауылының жанындағы егін алқабында оқыс оқиға тіркелді: мұнда комбайншы өз техникасының орағына өзі оратылып қалған, деп хабарлайды Azattyq Rýhy.

Оқиғаны облыстық полиция департаменті растады. Оқыс жайт кеше, 24 қыркүйек күні тіркелген.

«Шыбынды ауылының жанындағы оқиға бойынша полиция еңбек заңнамасын бұзу фактісі бойынша қылмыстық іс қозғады. Алдын ала мәлімет бойынша, жергілікті шаруа қожалықтардың бірінде жұмыс істейтін 49 жастағы ер адам комбайнның орағын шөптен тазалап жатқанда, өзі оратылып кеткен», - деп хабарлады Қостанай облысының полиция департаменті.

Мақалада

#Қостанай облысы #адам өлімі #оқыс оқиға

Алдыңғы жаңалық

«Саған ұнады ма?» - сараптама мамандары Қызылордада зорлық көрген қыздың сөзін бұрмалағысы келген