Аягөз гарнизонында қызмет еткен офицер үйінен өлі табылды

Қорғаныс министрлігіне қарайтын Аягөз гарнизонындағы әскери бөлімдердің бірінде қызмет еткен офицер көз жұмды. Бұл ақпаратты Аягөз гарнизонының баспасөз қызметі растады, деп хабарлайды Azattyq Rýhy.

Қайғылы оқиға 19 қыркүйек күні болған.

«Жұмыстан тыс уақытта Аягөз гарнизонындағы әскери бөлімдердің бірінде қызмет ететін офицердің денесі үйінен табылды.  Алдын ала ақпарат бойынша офицер өз-өзіне қол жұмсаған. Оқиғаның жай-жапсары анықталып жатыр. Аталған факт бойынша қылмыстық іс қозғалды», - делінген хабарламада.     

Құрлық әскерлерінің қолбасшылығы әскери қызметшінің туған-туыстарына көңіл айтты.