Жамбыл облысында жеңіл көлік пен танк соғысты

Жамбыл облысында Mercedes автокөлігі мен Т-72 танкі соғысты. Жеңіл көліктің жүргізушісі жарақат алды, деп хабарлайды Azattyq Rýhy.

Апаттың мән-жайы туралы Қорғаныс министрлігі хабарлады.

«Гвардиялық гарнизонның «Мәтібұлақ» оқу полигонының аумағында жауынгерлік техниканың қозғалысы кезінде Mersedes маркалы автомобиль жол қозғалысы ережелерін бұзып, Т-72 танкімен соғысқан. Әскери техниканың қозғалатын жері «танкке жол бер» белгісімен жабдықталған. Оқиға фактісі бойынша қызметтік тергеу жүргізілуде», - деп түсіндірді Қорғаныс министрлігі.

Ведомство жеңіл автокөліктің жүргізушісі жеңіл жарақат алғанын, бірақ ауруханаға жатқызудан бас тартқанын атап өтті.

Қазақстанның 5 облысында әскери техника жүріп өтеді.