Ол тұрғындарға банк атынан хабарласқан
Абай облысында Криминалдық полиция басқармасының қызметкерлері Семейдегі жалдамалы пәтерде виртуалды абоненттік нөмірлерді тіркеуге арналған GSM-box аппаратурасын ұялы байланыс желілеріне қосқан шетелдік адамды анықтады, деп хабарлайды Azattyq Rýhy.
«Бұл құрылғы ҚР азаматтарына қоңырау шалу бойынша алаяқтық схемаларда, яғни, банктер мен мемлекеттік органдардың қызметкерлері ретінде хабарласу үшін пайдаланылған», - деп хабарлады ПД.
Абоненттік құрылғының сәйкестендіру кодын өзгерту үшін бағдарламалар жасау, пайдалану, тарату фактісі бойынша сотқа дейінгі тергеп-тексеру басталды.
Күдіктінің әрекетінен зардап шеккен адамдар анықталуда.