Әйел әкімшілік жауапкершілікке тартылды
Астана әуежайында полицияның желілік бөлімінің қызметкерлері құқық бұзушыны ұстады, деп хабарлайды Azattyq Rýhy.
Көліктегі полиция департаменті баспасөз қызметінің хабарлауынша, тексеру барысында Ресей Федерациясының 49 жастағы азаматы Инчхон-Астана бағыты бойынша ұшқан рейсте, әуе кемесінің дәретханасында темекі шеккен.
Ресей азаматы әуе кемесінің бортында темекі өнімдерін тұтынғаны үшін әкімшілік жауапкершілікке тартылды және оған 184 600 теңге (50 АЕК) мөлшерінде айыппұл салынды.