Петропавлда кәсіпкерден 50 млн теңге «бопсалаған» блогерлер ақталды

Петропавлда танымал блогерлер Роберт Подласов пен Сергей Сайко 2023 жылы қарашада ұсталды. Олар өңірдегі Magnum Cash&Carrу сауда желісінің басшылығынан 50 млн теңге бопсалады деген күдікке ілінді.

Алқабилер оларды іс бойынша толығымен ақтады, деп хабарлайды Azattyq Rýhy.

СҚО-ның қылмыстық істер жөніндегі мамандандырылған ауданаралық соты алқабилер алқасының қатысуымен бопсалау бойынша айыпталушыларға қатысты ақтау үкімін жариялады.

«Т.» ЖШС директоры И. қауіп-қатерді шын деп қабылдап, 5 ай ішінде сотталушыларға қолма-қол және қолма-қол ақшасыз төлемдер арқылы 1 000 000 теңге сомасында ақша қаражатын төледі. (ҚР ҚК 194-бабы 2-тармағы 2).

Сондай-ақ, сотталушылар кейінірек ұялы байланыс арқылы «M.» ЖШС басқарушы директорынан оларға «M.» ЖШС бұзушылықтар фактілерін анықтау бойынша тексерулер жүргізуге бағытталған өтініштерді тоқтатқаны үшін және болашақта әлеуметтік желілерде « M.» ЖШС-не қатысты басқа материалдарды одан әрі таратпағаны үшін 50 000 000 теңге сомасында ақшалай қаражат төлеуді талап еткені үшін айыпталды», - делінген ақпаратта.

Іс материалдарына сәйкес, «M.» ЖШС өңірлік директоры, Б.сотталушылардың біріне 25 000 000 теңге сомасында ақшалай қаражат берді, оның 5 000 000 теңгесі түпнұсқа купюралар, 20 000 000 теңгесі қағаз муляжбен).

Прокурор сотталушылардың әрқайсысына 10 жылға бас бостандығынан айыру түрінде жаза тағайындауды сұрады.

Алайда, алқабилердің шешімімен сотталушылар оларға тағылған іс-әрекеттер дәлелденбегендіктен, «бопсалау жасағаны» үшін кінәсіз деп танылды.

Үкім заңды күшіне енген жоқ.