Вейппен күрес: ШҚО-да электронды темекілер тәркіленді

ШҚО электронды темекі мен сұйықтық сататын интернет-дүкен танымал әлеуметтік желілер арқылы жұмыс істеген, деп хабарлайды Azattyq Rýhy.

Өскемен қаласының 29 жастағы тұрғынының гаражын тінту барысында полицейлер 250-ге жуық түрлі маркалы электронды темекіні және 300-ге жуық темекі сұйықтығы бар бөтелкені, 118 бу буландырғышы бар бөтелке мен картридждерді тәркілеген.

Белгілі болғандай, ер адам қолданыстағы тыйым туралы білген, бірақ өнімді курьерлер арқылы сатуды жоспарлаған.

Аталған факті бойынша қылмыстық іс қозғалды, тергеу жүргізілуде. Заңға сәйкес, Өскемен тұрғынына 200 АЕК-ке дейін айыппұл салынады немесе сол мөлшерде түзеу жұмыстарына немесе 200 сағатқа дейін қоғамдық жұмыстарға тартуға немесе 50 тәулікке дейін қамауға алынады.