Адам өлмеген - полиция Астана болған топтық төбелес кезінде өлім болғанын жоққа шығарды (ВИДЕО)
Оқиға 15 шілдеде болған
Әлеуметтік желіде Астанада бір топ ер адамның арасында болған төбелестің бейнежазбасы тарады, деп хабарлайды Azattyq Rýhy.
Видеода көргеніміздей, төбелес жан-жағын үй қоршаған тар көшеде болған. Бес-алты еңгезердей ер кісі бір-бірін аяусыз тоқпақтап жатыр. Оқиға орнына біраз адам жиналып, жайбарақат қарап тұр. Видеодан ашулы топты айналып өтіп бара жатқан жеңіл көлікті де байқауға болады.
«15 шілдеде Торайғыров көшесіндегі үйдің ауласында тұрғындар арасында жанжал болды. Полиция қызметкерлері тұрғындарды бөлімшеге алып кетті. Жанжал кезінде зардап шеккендер жоқ екені анықталды. Олардың бір-біріне шағымы болмады. Әлеуметтік желілерде тараған адам өлімі болғаны туралы ақпарат шындыққа жанаспайды», - деп хабарлады полициядан.
