Алматыда тағы бір автобус апаты: екі адам қаза тапты

Алматының Медеу ауданында жеңіл көлік автобуспен соқтығысты, деп хабарлайды Azattyq Rýhy.

Бұл туралы қалалық полиция департаменті хабарлады.

«Тойота» жүргізушісі Талғар тас жолымен батыс бағытта келе жатып, қарсы бағытқа шығып кетіп, жеке тасымалдаушыға тиесілі автобуспен соқтығысқан», - деп хабарлады ведомствоның баспасөз қызметі.

Жол апаты салдарынан «Тойота» көлігіндегі екі жолаушы қаза тапты.

Екі адам қаза тапқан жол апаты бойынша қылмыстық іс қозғалды.

Сараптамалар тағайындалды.