Құтқарушылар дер кезінде көмек көрсетті
Маңғыстау облысында 10 жасар бала құтқарылды, деп хабарлайды Azattyq Rýhy.
«Бүгін Ақтау қаласында Каспий теңізінің жағалауын патрульдеу кезінде Жедел-құтқару жасағының құтқарушылары 2014 жылы туған баланы құтқарып, жағаға жеткізді. Белгілі болғандай, оны үрлемелі шеңбер жағадан алысқа алып кеткен. Медициналық көмек қажет емес еді», - деп хабарлады ТЖМ.
ТЖМ судағы қауіпсіздік ережелерін қатаң сақтауды сұрайды.
Еске салайық, бүгін Каспий теңізінің жағалауынан 1,5 шақырым қашықтыққа жүзіп, қайта алмаған 6 жасөспірім құтқарылды.