Атырауда жанжал соңы 17 жасар жасөспірімнің өлімімен аяқталды

Марқұмның 18 жастағы ауылдасы күдікке ілінді

Фото: Әсет Құндақбаев

Атырауда жанжал соңы 17 жасар жасөспірімнің өлімімен аяқталды, деп хабарлайды Azattyq Rýhy «Ақ Жайыққа» сілтеме жасап.

Қайғылы оқиға 3 шілдеде Махамбет ауданы, Сарытоғай ауылында болды. Кісі қолынан қаза тапқан 17 жастағы жасөспірім жақында жергілікті мектепті бітірген.

«Жасөспірімнің өліміне қатысты қылмыстық іс қозғалды. Күдікті 2005 жылы туған жігіт. Қазір сотқа дейінгі тергеу амалдары жүргізіліп жатыр, сот-медициналық сараптама тағайындалды», деп хабарлады полиция департаменті.

Қатарластарымен арадағы жанжал неден туындағаны әзірге белгісіз.

Мақалада

#Атырау облысы #жасөспірім #төбелес #кісі өлімі

Алдыңғы жаңалық

Он жастағы бала Каспий теңізіне ағып кетті