Алматы облысында мектептің қарама-қарсысында жеңіл көлік жарылды

Бүгін, 15 мамырда сағат 18:16-да Өтеген батыр ауылындағы №8 өрт сөндіру бөлімшесінің байланыс желісіне Рысқұлбеков көшесінде көліктің өртенгені туралы хабарлама келіп түсті, деп хабарлайды Azattyq Rýhy Zakon.kz-ке сілтеме жасап.

Алдымен әлеуметтік желіде №24 мектептің жанында жеңіл көлік жарылғаны туралы ақпарат тарады.

«Оқиға орнына шұғыл жеткен өрт сөндірушілер «Volkswagen Passat» маркалы жеңіл көліктің моторы орналасқан бөлігінің 1 шаршы метрі қызыл жалынға оранғанын анықтады. Құрбандар мен зардап шеккендер жоқ", - делінген Алматы облысы ТЖД баспасөз қызметінің ақпаратында.

Өртті сөндіруге Алматы облысы ТЖД күштері мен құралдары сапынан төрт қызметкер және бір техника жұмылдырылды.