Өрт сөндірушілер үш газ баллонын алып шықты
Алматы облысы Талғар ауданындағы мейрамханалардың бірінде өрт шықты. Жалын тек қоймаларды ғана емес, сонымен қатар жақын маңдағы сауда орындарын да шарпыды, деп хабарлайды Azattyq Ruhy.
ҚР Төтенше жағдайлар министрлігінің мәліметінше, өрт сөндірушілер келісімен ауа-газ қоспасының екі тарсылын естіген. Сол сәтте құтқарушылар өрттің таралуына жол бермей, 50 литрлік 3 газ баллонын алып шықты.
«Өрт толығымен сөндірілді. Оның ауданы 165 шаршы метрді құрады. Зардап шеккендер жоқ. Өрттің себебі анықталып жатыр», - делінген хабарламада.
Тақырыпқа орай: Алматыдағы «Атакент» көрме кешенінің павильоны өртенді