Жол апаты «Алматы-Екатеринбор» трассасында болған
Ақмола облысында екі көлік соқтығысып, 3 адам қаза тапты, деп хабарлайды Azattyq Ruhy облыстық ПД баспасөз қызметіне сілтеме жасап.
Жол апаты 30 сәуірде «Алматы-Екатеринбор» тас жолының 1201 шақырымында Тасты және Қараменді батыр ауылдары арасында болған.
«Audi A6» жеңіл көлігімен «ГАЗель» соқтығысқан. Салдарынан жеңіл көліктің 35 жастағы жүргізушісі мен екі жолаушысы алған дене жарақатынан оқиға орнында көз жұмды. Қазіргі кезде осы оқиғаға байланысты Қылмыстық кодекстің 345 бабы бойынша іс қозғалып, сотқа дейінгі тергеу амалдары басталды. Тиісті сараптамалар тағайындалды», - деп жазылған хабарламада.