Оқиғаға қатысты қылмыстық іс қозғалды
Ақтауда әйелін аяусыз ұрып-соққан ер адам ұсталды, деп хабарлайды Azattyq Ruhy.
Облыстық полиция департаментінің мәліметінше, күдікті уақытша ұстау изоляторына қамалды.
«Оқиғаға қатысты қылмыстық іс қозғалды. Өзге ақпарат тергеу мүддесіне сай жарияланбайды», - деп хабарлады ведомстводан.
Еске салайық, ер адамның әйеліне шабуыл жасаған сәті көпқабатты тұрғын үйдегі бейнекамераға түсіп қалған. Ол кәмелет жасқа толмаған балаларының көзінше әйелін аяусыз ұрып-соққан.