Ол көбіне халықаралық рейстен түскен жолаушылардың жүктерін тонап отырған
Алматы әуежайының жүк сақтайтын қоймасында жұмыс істеген 29 жастағы жүк тасушы жолаушылардың қымбат дүниелерін ұрлаған, деп хабарлайды Azattyq Ruhy Алматы полициясының баспасөз қызметіне сілтеме жасай отырып.
Ол көбіне Алматы-Дубай, Алматы-Прага және Алматы-Гонконг бағытындағы рейстің жолаушыларын тонаған.
«Ұсталған азамат әуежайдың уақытша сақтау қоймасында жүк тиеуші болып жұмыс істеп жүріп, осы жылдың қаңтар-наурыз айлары аралығында жалпы сомасы 7 645 371 теңге құрайтын мүлікті ұрлаған», - деп хабарланған ақпаратта.
Тергеу аяқталған соң, Алматы қаласы Түрксіб аудандық соты оны 3 жыл 6 айға бас бостандығынан айырғаны анықталып отыр.