«Жағдайы ауыр»: Көкшетауда қазандық жарылып, жасөспірім зардап шекті

Оның денесінің 50 пайызын күйік шалған

Фото ашық дереккөзден

Өткен түнде Көкшетауда қазандықтың жарылуы салдарынан 2010 жылы туған жасөспірім зардап шекті. Ол күйікпен ауруханаға түсті, деп хабарлайды Azattyq Rýhy Ақмола облыстық ТЖД баспасөз қызметіне сілтеме жасап.

16 ақпанда сағат 23:20-да диспетчердің пультіне оқиға туралы хабарлама келген. Ақау салдарынан циркуляциялық сорғысы үзіліп, қазандық қираған. Оқиға салдарынан 2010 жылы туған бала зардап шекті. Ол Көкшетау облыстық балалар ауруханасына 50 пайыз денесінің (бет, аяқ-қол, дене және аяқ) термикалық күйікпен жатқызылды.

ТЖД мәліметінше, бала ауыр жағдайда жансақтау бөлімінде. Өртке қарсы қызмет шақырылған жоқ.

Мақалада

#Көкшетау #жасөспірім #аурухана #жарылыс #күйік #жылу қазандығы

Алдыңғы жаңалық

Барахолка маңындағы өрт: қоймадан газ баллоны шығарылды