Полиция кісі өлтіру бойынша тергеуді бастады
WhatsApp мессенджерінде Абай полиция бөлімінің атынан «аса ауыр қылмыс жасағаны үшін» үш адам іздестіріліп жатыр. Суреттермен бірге аудио хабарлама да таратылады, онда ер адам Орал қаласында жас жігіттің өлтірілгенін және осы кісі өлтіру аясында осы ер адамдар ізделіп жатқанын айтады, деп хабарлайды Azattyq Ruhу «Мой город» басылымына сілтеме жасап.
БҚО полиция департаменті баспасөз қызметінің мәліметінше, 2 ақпан күні сағат 08:10-да Дәулеткерей көшесіндегі үйлердің бірінің жанынан зорлық-зомбылықпен өлім белгілері бар ер адамның мәйіті табылды.
Алайда, ведомство бұл қылмыстың таратылатын бағдарға қатысы бар-жоғын нақтыламады.
«Кісі өлтіру фактісі бойынша Абай полиция бөлімі сотқа дейінгі тергеуді бастады. Қазіргі уақытта полиция қызметкерлері осы қылмысты ашуға және күдіктіні анықтауға бағытталған жедел-іздестіру іс-шараларын жүргізуде. ҚР ҚІЖК – нің 201-бабына сәйкес өзге де ақпарат жария етілмейді», - деп хабарлады полиция.