«Бақшадағы жемістер үсіп кетті» – Төлеутай Рақымбеков оңтүстікте жауған қар туралы

Түркістан облысы Ордабасы ауданында көкөніс көшеттері қалың қар астында алды. Бұл туралы Facebоok-тегі парақшасында «Ұлттық аграрлық ғылыми білім беру орталығының Басқарма төрағасы Төлеутай Рақымбеков жазды.

«Сурет бүгінгі. 9 сәуір 2020 жыл. Жаңа ғана Сергей Александрович Терещенко WhatsApp-қа жолдады. Шымкенттен 15 шақырым жердегі Ордабасы ауданы. Жемістер өліп қалғаны анық. Көшеттер тірі қалса деп үміттенеміз»,- деп жазады ол.

«Ауыл» партиясының белсендісі жазда қуаңшылық болса, жағдай қиындайтынымен бөлісті. Ол көкөніс бағасы қымбаттауы мүмкін екенін жазды.  

«Кеше кешке базарларда сиыр етінің бағасы 3 мың теңгеден асып кетті деп хабарланды. Қазақстанға негізі көкөніс жеткізушілер Қытай, Иран, Өзбекстан, Түркиямен шекара ұзақ уақыт жабық болса, импорт бағасы не болады? Мүмкін қазір карантин жағдайында ет, сүт, көкөніс тасымалдау үшін  ұсақ шаруа қожалықтарымен айналысқан жөн шығар», - деген пікірімен бөлісті ол.