АҚШ–та аяздан 89 адам көз жұмды

Соңғы аптада Америка Құрама Штаттарында кем дегенде 89 адам қайтыс болды. Оған қақаған қыстың суығы себепші болған, деп хабарлайды Azattyq Ruhy CBS News-ке сілтеме жасап.

Бұқаралық ақпарат құралдарының хабарлауынша, қайтыс болғандардың көбі Теннесси штатында тіркелді. Онда 25 адам көз жұмған. Орегонда 16 азамат қаза тапты. Олардың үшеуі ағаш құлаған сәтте көлікте отырған.

Иллинойс, Пенсильвания, Миссисипи, Вашингтон, Кентукки, Висконсин, Нью-Йорк және Нью-Джерсиде қорқынышты оқиғалар тіркелді. Қазіргі уақытта елде ауа райы суық: қатты жел, қар мен көктайғақ.

Осыған дейін температура кейбір сәттерде минус 34,4 градусқа дейін төмендегені туралы хабарланған. Күннің сууы 12 қаңтарда басталды.

Авторы: Аягөз ҚҰРМАШ