Қостанай облысында аязда жоғалып кеткен малшы табылды

Қостанай облысында жоғалып кеткен малшыны құтқарушылар мен тәртіп сақшылары үш күн іздеді, деп хабарлайды Azattyq Ruhy.

13 қаңтарда Арқалықта қарлы боранда жергілікті малшылардың жылқылары жоғалып кеткен еді. Малшылар көлікпен іздеуге шығып, оларды Ақмола облысынан тапты.Көлік қарда тұрып қалды. Малшылардың біреуі жылқыларды күзетуге қалып, алайда көп ұзамай жоғалып кетті.

«Үш күн ішінде, ауа-райының қолайсыздығына қарамастан 50 адамнан тұратын топ іздеу жұмыстарын тоқтатқан жоқ. Құтқарушылар, полицейлер, жергілікті атқарушы органдар, еріктілер және бей-жай қарамайтын жергілікті тұрғындар жоғалған адамды іздеді. Ауа-райының қолайсыздығы тік ұшақпен іздеуге кедергі келтірді. Сондықтан ер адамды жаяу және квадрокоптердің көмегімен іздеді», - делінген хабарламада.